Ako Ñane Ynambumi letra

Nemandu'ávapa nde
Akóina ko ka'aru
Che guataháguio aru
Tupã rymba porãite
Ñuhãme jeitypyre
Guyra ñu para'imi
Ako ñane ynambumi
Jahayhuetémi va'ekue

Mokõivépako jaiko
Ñañombopópe hese
Ñahetû, ñemoñe'ê
Ha mitãicha jareko
Ha'éanga pe ikorasõ
Hasývaichante ichupe
Ha oiméneningo ra'e
Hi'ãguîgui upe imano

Upéintepako iko'ê
Ikangy, hasykatu
Ha vokóima rejuhu
Tupa guýpe he'õngue
Okúivaekue umi hague
Rembyaty reñongatu
Ha rehupi rehetû
Ne rymbami retekue

Nerasêpako ha ere
¡Oho ñane ynambumi!
Oiméne ha'e uvei
Yvágapema og̃uahê
Upévantepako che
Ambyasy, nambyasypái
Ha mokõivéva ojovái
Ko'ýte ñanerasê

Nde hag̃uántema, kuña
Resê reho mombyry
Ha remyasãi vy'a'ỹ
Che rekovépe g̃uarã
Ha che katu apyta
Ñaimo'ã ku tyre'ỹ
Amboy'u che resay
Ne kunu'û rekovia

Ako ñane ynambumi
¿Nemandu'ávapa nde?
Akãngytápe kuehe
Ajuhu haguekuemi
Amoñe'ê katui
Ha che kûguýpe ha'e
Péichante va'erã ra'e
Mborayhu ogue avei

Dúo Peña–González - Letras

• Ako Ñane Ynambumi
• Al Dejarte, Traidora
• Chaco poty
• Che képe guare
• Che Pueblo Porã
• Che Reindy Kuña Koygua
• Che retã jeguakára
• Colón árape
• Gracia Divinal
• Las 7 Cabrillas
• Luna llena
• Morocha Hermosa de Mi Recuerdo
• Ñane Mitãrõ guare
• Nde rerakuemi
• Ne Porã Kyrỹi Guasu
• Po'a'ỹgui purahéi
• Pykasu
• Pytûmby Jave
• Residenta Kue
• Romomorãvo, Hugua Hû
• Sublime Adoración
• Tajevy Che Rapekuére
• Tu Castigo Es Mi Perdón
• Una Flor
• Vuelve a Mí
• Yvoty ñaña
• Yvypegua Ko Mbyja
• Yvytu Jyva Ári